去過淺水灣咁多次， 一直都唔知道原來有個咁「繽紛」嘅景點， 就喺The Pulse 隔離。 呢度叫鎮海樓公園，有好多神像但又唔係廟。 個人感覺係有少少似清萊嘅白廟， 雖然規模上細好多同埋彩色好多，但係有種唔係好似傳統廟宇感覺， 唔同嘅神可以聚埋一齊但又各佔山頭。 一入門口就咁啱見到有位泰國善信攞住本自製嘅經文書喺度默念同埋參拜。 網上搵一搵資料，原來都真係有啲泰國channel介紹， 門口嘅碑文有泰文，而公園入面嘅神像刻文都有好多英文。 公園入面有嘅神像同建築: 千歲門 觀音像 天后像 四面佛 釋迦牟尼佛 月老同埋姻緣石 (眼見係綑哂紅繩) 長壽橋 等等… 大家去到可以各取所需。 連住成個淺水灣泳灘影相過去，其實都幾有特色。
前排去咗參觀摩星嶺軍事遺跡，雖然嗰度而家你唔會覺得係好宏偉或者好靚嘅遺跡，但喺二戰期間對香港有好重要嘅軍事作用，見證咗香港嘅歷史，都好值得同大家分享。 **摩星嶺軍事遺跡群簡介** •地理位置 – 位於香港島西面 •歷史背景 – 20世紀初，駐港英軍開始建設5座炮台 – 1930年代中期，兩座炮台被移至赤柱以強化南部防禦 •二戰時期（1941年12月） – 日軍襲擊 -12月11日起，摩星嶺炮台成為日軍攻擊目標 -12月14日，一座防空大炮被擊中，9名炮兵陣亡，一枚炸彈擊中炮台指揮部但未爆炸，指揮部內60名士兵倖存（包括歷史學家白德博士，後來成為著名香港歷史研究專家） -12月16日，日軍派遣62架轟炸機進攻 -摩星嶺炮台遭受多次猛烈轟炸，作戰室被毀 – 最終結局 -駐守英軍最終不敵日軍攻擊 -1941年12月25日香港投降前，英軍自行炸毀摩星嶺所有軍事設施 #摩星嶺 #香港保衛戰 #香港歷史 睇埋其他遊記:… Read More »【香港一日遊】香港保衛戰 ｜摩星嶺軍事遺跡群
電影取景: 變形金剛4、斯諾登風暴、世紀戰疫、信用欺詐師JP : 香港浪漫篇、順流逆流; 香港奇案: *水箱藏屍案、屯門色魔案; 迷你版九龍寨城，香港製造塘瓷廠， 熱水瓶廠 —「一味靠滾」、「認真好胆」; 上面所有關鍵字都關土瓜灣益豐大廈嘅事， 70年代嘅建築， 有A,B,C,D 四座， 係今時今日罕見嘅E字型建築群， 樓下有地舖，以前有工廠， 樓上就住人，走廊四通八達， 有唔同嘅出入口， 陰暗嘅後樓梯， 令唔熟悉嘅人入到去感覺到有種莫名壓迫詭異嘅氣氛， 或者就係呢個原因， 令咁多電影喺度取景拍攝。 益豐大廈當年根據街影法興建， 以街道中心作為起點， 向兩邊嘅樓宇劃一條特定角度向上斜嘅線， 以此保持公共空間嘅日照同通風，泛稱斜面樓。… Read More »【香港電影｜奇案場景】土瓜灣｜益豐大廈｜一楝大廈可以有幾多故事?
【沙田道風山】 或者喺香港，好多嚟自中西文化結集歷史嘅建築會逐步消失， 趁而家仲健在嘅時候，希望可以好好親身去記錄一下。 【點去?】 喺沙田鄉事委員會旁邊嘅樓梯上山大概行20分鐘就可以去到道風山基督教叢林，係非常易行嘅一條行山路線。 【關於道風山】 – 道風山基督教叢林由挪威傳教士艾香德 (Karl Ludvig Reichelt, 1877-1952) 牧師喺1930年創立，至今已超過90年 – 丹麥知名建築師艾術華(Johannes Prip-Møller)負責道風山建築群整個設計藍圖 – 道風山建築群仿中國宗教學府，故名為「叢林」，係中式庭園設計結合濃厚基督教信仰文化嘅二級建築古跡 – 「聖殿」採用重簷八角攢尖頂設計，殿外雀替遠睇如同紅色十架。殿內陳設同樣以濃烈中華文化色彩表達同展示基督教信仰嘅理念 – 由長長階梯鋪出嘅窄路盡頭，有一道窄門，名為「生命門」，由王景慶牧師所題。 兩旁對聯寫着：「寛路行人多并無真樂」，「窄門進者少內有永生」 – 好多人都係為咗大十字架慕名而來，十字架上寫住「成了」，… Read More »【香港一日遊】沙田道風山 – 中西文化結集建築群
English 
香港中文