【沙田道風山】
或者喺香港，好多嚟自中西文化結集歷史嘅建築會逐步消失，
趁而家仲健在嘅時候，希望可以好好親身去記錄一下。
【點去?】
喺沙田鄉事委員會旁邊嘅樓梯上山大概行20分鐘就可以去到道風山基督教叢林，係非常易行嘅一條行山路線。
【關於道風山】
– 道風山基督教叢林由挪威傳教士艾香德 (Karl Ludvig Reichelt, 1877-1952) 牧師喺1930年創立，至今已超過90年
– 丹麥知名建築師艾術華(Johannes Prip-Møller)負責道風山建築群整個設計藍圖
– 道風山建築群仿中國宗教學府，故名為「叢林」，係中式庭園設計結合濃厚基督教信仰文化嘅二級建築古跡
– 「聖殿」採用重簷八角攢尖頂設計，殿外雀替遠睇如同紅色十架。殿內陳設同樣以濃烈中華文化色彩表達同展示基督教信仰嘅理念
– 由長長階梯鋪出嘅窄路盡頭，有一道窄門，名為「生命門」，由王景慶牧師所題。
兩旁對聯寫着：「寛路行人多并無真樂」，「窄門進者少內有永生」
– 好多人都係為咗大十字架慕名而來，十字架上寫住「成了」，
提醒跟從者，要傳承既濟未濟嘅天國使命。
沙田景色襯托住大十字架背後道風山絕對係一個值得到訪嘅中西文化結合嘅建築群。
睇埋其他遊記:
香港中文 
English