唔知有冇人都係一樣， 雖然喺香港住咗好多年， 但總係有某啲區域係你好唔熟， 唔熟到我可以當自己係遊客去玩兩日一夜嗰隻。
而對我嚟講，呢個區就係西區!
就係咁抱住遊客心態，開始上網搵景點、資料就準備出發。
第一日 西營盤站
晏晝
– 去咗google 4.8分café， 檸檬黑椒雞翼食，藍莓香蕉棗Smoothie好飲
– 本身諗住去德昌森記蒸籠，可惜放緊年假未開
– 去咗一新藝術館睇畫展，今期係以香港為主題嘅選畫
叮叮去堅尼地城
– 食米芝蓮必比登推介煲仔飯，飯焦係得嘅， 下午茶時間去，直入唔洗等位，但個飯要等40分鐘
– 去爹核士街諗住做吓遊客嘢影嗰張知名打卡相， you know~ 當你自己影嗰時係唔會影到嗰個樣…
夜晚
– 因為想去嗰間酒吧6pm先開，所以又叮叮返西營盤
– 本來係賣乒乓波用品，幾年前改成酒吧，門口同內部環境嗰種反差係有驚喜嘅
– 飲完杯gin又叮叮返堅尼地城，搭shuttle bus去住宿
– 一直想去摩星嶺YHA Camping，但實在太凍，唯有改book普通房
– 摩星嶺YHA最出名望出去嘅270度海景: 由IFC，望到ICC，葵涌貨櫃碼頭到青馬大橋
第二日 早上
– 喺YHA行出去上大斜路可以睇到摩星嶺軍事遺跡群， 喺二戰期間作為香港重要防禦要塞，有值得參觀嘅地方
晏晝
搭shuttle bus落返堅尼地城
– 去士美菲路熟食中心食咗間老字號粥店，見佢蘿蔔糕同腸粉都係即蒸嘅
– 去咗海傍一間法國菜小館坐窗口位食咗個海景lunch (連續食咗兩餐係因為對上一餐已經係前一日下晝個煲仔飯)
– 去Golden Scene 睇返場戲先睇完戲就拖住依依不捨嘅身影離開，結束西區兩日一夜遊。
總結: 估唔到都幾充實，同埋叮叮真係好東西，為我慳唔少腳程
睇埋其他遊記:
香港中文 
English