鴨靈號

鴨靈號係香港現存最老嘅中式帆船 ， 而家提供維港遊嘅鴨靈號，有接近七十年歷史，係一艘傳統三帆中式帆船，以前漁民會用佢嚟出海捕魚同生活。 因為香港以前係一條小漁村，帆船喺本地歷史同發展中都有不可取代嘅地位，所以呢艘而家仲可以恆常出航嘅古董帆船，自然而然成為咗香港嘅經典象徵。 鴨靈號喺2014年曾經沉沒，多得各方嘅幫助，除咗成功打撈返上岸外，用咗半年時間就修復返成為而家嘅鴨靈號， 船上有展示舊船嘅殘木同埋銅鐘。 – 上船時咁啱鴨靈號接咗廣告，換咗AP綠帆，相對見慣見熟嘅經典傳統紅帆別有一番風味，融入咗海天一色嘅香港背景入面 – 船長室真係放咗幾隻黃色小鴨喺度「鎮守」 – 船上會播錄音介紹鴨靈號嘅歷史同故事，但上船最有歷史價值之一嘅係聽船員分享當年出海捕魚嘅親身經歷 仲有其他遊記: 【香港一日遊】香港保衛戰 ｜摩星嶺軍事遺跡群 【香港電影｜奇案場景】土瓜灣｜益豐大廈｜一楝大廈可以有幾多故事? 【香港一日遊】沙田道風山 – 中西文化結集建築群 香港西區兩日一夜遊 【香港半日遊】淺水灣豪宅區 ｜乜神都有｜鎮海樓公園